桂莉芙爆粗鬧過世阿婆捱轟

金像影后桂莉芙白德露日前在節目上爆粗狂鬧已故外祖母，令外界嘩然，更將其辛苦建立的健康形象毀於一旦。

桂莉芙白德露最近經常踩過界挑戰自我，繼早前開金口獻唱電影主題曲，以及三次客串大熱電視劇集《歡樂合唱團》，近日更「升呢」才女，推出親子食譜，因而人氣急升！不過，她前日亮相節目《Chelsea Lately》時High爆「玩大咗」，令多年來辛苦建立的親切形象毀於一旦。

阿媽改花名扮後生

事緣主持Chelsea Handler談到與桂露芙同樣有個德國裔外祖母，Chelsea說：「我婆婆是個真正的八婆！」桂莉芙即笑說：「我婆婆簡直是臭X！」唔識死的她繼續數臭已故外祖母：「佢憎恨我嘅膽識，想荼毒我阿媽憎埋我，好彩我有個好媽咪，冇受佢唆擺！諗番轉頭，佢當時一定好唔開心同好痛苦，因為佢刻薄到死！」桂莉芙的火爆言詞竟贏得在場觀眾的掌聲及歡呼聲，但不少網友事後狂轟她言論粗鄙，不識大體。一輪嘻笑怒罵後，桂莉芙繼續接受訪問，她踢爆貪靚母親因不想被六歲孫女叫「婆婆」，寧願自行改花名「Woof」，但女兒嫌花名太怪，遂改以「Lalo」稱呼婆婆。

此外，桂莉芙日前正式成為時尚品牌Coach代言人，並將在一連串70周年廣告中亮相，但只限歐洲及亞洲獨家展出。