廖碧兒拒絕向陳豪解釋
廖碧兒、陳嘉桓及徐子淇父親徐傳順等，昨晚在銅鑼灣出席晚宴。有指陳豪暗寸廖碧兒不要趁他離港時搞事，碧兒說：「人哋喺唔喺香港唔清楚！（你話陳茵媺係第三者？）冇講過！（收口？）要回應嘅都回應咗。（打畀陳豪解釋？）唔使解釋，相信佢唔會講呢啲嘢。」對於緋聞男友林忠豪傳搭上趙彤，碧兒表示不清楚他們的關係，但強調與林忠豪只是朋友。
無綫高層樂易玲亦有出席晚宴，問到是否安排林峯主演的《回到三國》作台慶劇，力谷他做「視帝」？她說：「好多謝新聞界捧佢，呢啲半年後先知！」又指林峯獨自在家時不太快樂，希望他學陳豪一樣忘記過去。另外，對於徐子淇懷有男胎，徐父說：「希望科學準確啦！佢個肚好尖，唔同上兩次！四叔（李兆基）希望多子多孫，男女孫都咁開心！」
廖碧兒就被陳豪暗寸一事作出回應。
陳嘉桓在晚宴上表演。