提款機齋撳唔攞失魂法拉唔見錢勁赤
陳法拉前日傍晚在微博大呻破財，還自嘲說：「有人失魂到去提款機取錢，只拿回卡，不拿錢。發現時已是十分鐘後的事，還傻到竟然跑回去看那錢是否還『叼』在出錢的『嘴巴』上？我這是怎麼啦？」另一藝人唐詩詠安慰對方破財擋災，感同身受地自爆亦曾試過提款後經常忘記取錢，呂慧儀則感慨地指賺錢很辛苦，戥她傷心。
最近忙與謝天華拍新劇及出席活動搵銀的法拉，未知是否因為太忙而變失魂魚？她昨日透過經理人回應：「當時唔集中，撳錢時唔記得拎錢，冇咗三千蚊，好肉赤！返轉頭已經冇咗，之後有打去銀行，睇吓可能啲錢退番入去，但銀行話已經過咗數，當係個教訓！當時後面有其他人排隊，唔知有冇人攞咗？」
法拉大頭蝦到撳機忘記攞錢，返轉頭已不見了，無奈當重金買教訓。（設計圖片及對白）