熊黛林現身證健康：我冇瘤

最近有報道傳名模熊黛林生腦瘤，她前晚精神奕奕地出席活動時否認，並說：「見到我咁健康就知我冇事！」

前晚銅鑼灣希慎道1號I.T揭幕，老闆沈嘉偉的明星好友群出撐場，包括劉嘉玲、袁詠儀、張智霖及余文樂等、連邱淑貞（豆斗）都罕有帶女兒露面，對上一次出席夫婿公司活動已是10年前的事！豆斗與嘉賓劉嘉玲、吳君如及張栢芝言談甚歡！

至於早前傳生腦瘤的名模熊黛林（Lynn），精神奕奕地澄清：「我冇瘤！見到我咁健康就知我冇事，係作出嚟嘅新聞！（郭富城都話好過分？）好離譜！愈嚟愈過分！（男友撐你，開唔開心﹖）有朋友關心梗係開心！」對於城城公開表示不介意以情侶檔工作，她說：「佢冇講我個名，不過如果我同另一半工作都冇所謂，但我都冇講佢個名！（同城城工作？）我依家已經好缺氧！呢度真係好熱！」她表示未有因對方缺席而失望，記者笑問是否要結婚才同場？她說：「我冇乜所謂！」此外，Lynn近日擔任Medic Spa代言人，日前更帶愛犬齊齊拍廣告照。

靚靚減肥博「袋」

至於袁詠儀（靚靚）與老公張智霖則以黑白配亮相，談到早前張智霖指她減肥成功會送手袋？她笑說：「未送呀，仲爭5磅！（減肥成功就生BB？）要等身體好啲先諗生BB。」而獨自赴會的栢芝在儀式完結後從秘道離去，沒有接受訪問。另外，日前有報道指黃宗澤（Bosco）獲無綫高層力捧，令他戲份比同劇的謝天華多，Bosco說：「戲份大家差唔多，劇本冇改過！」至於何超雲的前男友王大業與周柏豪同場，但柏豪表示現場太多人，二人未有見面。