嘉玲無懼影射：我唔會掂毒品
最近莫少聰及孫興涉毒，引起全城熱論紛紛！劉嘉玲前晚出席活動時坦言有留意報道，很久前見過聰仔，另曾與孫興合作拍劇。提到有報道影射圈中不乏藝人有毒癮，她說：「傳媒唔應該過分繪影繪聲咁寫，未正式證實，唔應該亂寫，會造成好大影響，希望大家有啲道德！我被影射？我唔覺得係我，你覺得係我咩？我之前喺台灣做過身體檢查，身體非常好，我唔會掂毒品！（介意被影射？）唔介意，人哋信我吸毒都係傻，係媒體同我開玩笑啫！」問到在圈中多年有否受引誘？她說：「我見過，唔使講到咁大件事！」
封后心情已平復
提到封后心情？她說：「已經回復平靜，每日都慶祝！（多咗片約？）收多咗劇本！冇加價喎！影后最多可以加幾多？」她表示老公梁朝偉已有表示，老公情緒比她更激動！
嘉玲心情靚爆，狀態一流！
劉嘉玲無懼被影射，呼籲傳媒不要亂寫。