黎耀祥張可頤鐵皮屋被綁熱呆
藝員黎耀祥和張可頤昨日在元朗大棠為新劇《法證先鋒Ⅲ》拍攝，兩人被綁住手腳困在鐵皮屋內，如同焗桑拿般汗如雨下，可頤更熱到有點呆滯。
黎耀祥和張可頤昨日在元朗大棠為無綫新劇《法證先鋒Ⅲ》拍攝遭綁架戲份，兩人被綁住手腳困在鐵皮屋內，如同焗桑拿般，難怪可頤表示太熱而感到呆滯。問到熱得戲服濕透有否見暈﹖她笑說：「辛苦o架！出咗好多汗，有啲呆呆滯滯，好彩有祥仔請食老婆餅先冇事！」此劇煞科後，可頤會為無綫主持關於天災的節目，並計劃到東京探朋友。問到會否擔心核輻射危機？她說：「其實都驚驚哋！朋友話問題唔大，或者買定個輻射儀去囉！」
撐林峯做視帝
至於祥仔見天氣炎熱，自掏腰包「萬歲」慰勞大眾。他表示相比拍古裝，拍此劇已不算辛苦，而煞科後會繼續努力搵真銀，暑假時會接拍另一部古裝劇。有傳無綫欲捧林峯做「視帝」，祥仔大方表示支持：「畀啲後生仔上係應該嘅，咁樣環境會健康啲！」
黎耀祥和張可頤被綁住手腳困在鐵皮屋內。
祥仔和可頤大熱天時拍戲依然四萬咁口。