婷婷「論盡」打女畀人笑

眼見大嫂張栢芝復出影壇愈搵愈有，謝婷婷早前亦北上拍戲做打女，矢言下一站影后！不過，她昨日在《愛彼錶女皇盃》活動示範調酒時卻倒瀉籮蟹，看來論盡的她要做打女有難度，她說：「我次次食嘢都一定會整落件衫度，Andy（男友安志杰）成日都笑我！」談到日前與Andy帶姪仔Lucas參加朋友的生日會，婷婷大讚Lucas乖，問到Lucas會否學謝霆鋒Chok樣，她說：「佢好有演藝潛質，之前我話帶佢食雪糕，佢就扮咳同我講『姑姐，我咳緊呀！』好好笑！」

此外，婷婷趁男友忙於宣傳新片，前日找來三位猛男結伴行街。

婷婷調製飲品時整到一手都係，相當呢Hea。

男友不在身邊，婷婷即找來猛男陪逛街。