陳豪護茵媺寸廖碧兒搞事
陳豪昨日接受查小欣訪問，力撐緋聞女友陳茵媺並非廖碧兒所暗寸的「小三」：「趁我唔喺度，搞咁多事！」對於陳茵媺被指「小三」，令他覺得抱歉：「好唔好意思，對佢好唔公平！從來唔關佢事，但令佢有不必要緋聞、麻煩，尤其係咁難聽嘅嘢，我會親自打電話畀佢道歉。」他承認對茵媺有好感，但兩人不是拍拖，他到多倫多轉機往牙買加並沒有見家長，其母來港也沒有見茵媺，至於發展機會？陳豪(o依)(o依)哦哦說：「努力，將來真係唔知。」跟碧兒的一段情，他早已放低：「過去作為借鏡，將來係希望，依家就努力。」
此外，無綫公布上周收視，《誰家灶頭無煙火》平均23點、《洪武三十二》平均25點、由陳豪主演的《點解阿Sir係阿Sir》平均27點。廣管局接到《點》劇的14宗投訴，指內容涉及打架場面教壞小朋友，而《洪》劇的生劏活魚場面有虐待動物之嫌，接獲1宗投訴。
剛由牙買加返港的陳豪，接受查小欣節目訪問。