Jeana恃嫩行胸 誇口贏娜姐

今年的寫真戰大執位，成功上岸的周秀娜（Chrissie）、Jessica C.（JC）與Angelababy都宣布唔玩，Chrissie師妹何佩瑜（Jeana）與第4代「Canon甜心」Alice B.即時攝位，以寫真互片，而Jeana更暗寸師姐過氣，不把她放在眼內！

為爭奪寫真女王寶座，眾模積極部署今年的寫真戰，其中Chrissie師妹「嫩版范冰冰」Jeana力谷33C Fit爆身材，更複製師姐的成名路，無論拍攝地點及攝影師都跟到足，要求公司請來師姐的御用攝影師CK遠赴塞班島取景，希望處女作能突圍而出！

雖然構思與師姐Chrissie大同小異，但Jeana信心爆棚，她說︰「長江後浪推前浪，我有信心成績好過佢！」現年22歲的她，更暗寸25歲的Chrissie年紀大︰「佢都賺夠，留番畀後輩啦！我有信心好過佢！」擺明不把對方放在眼內！她還指攝影師CK讚她身材靚過Chrissie︰「佢話我個胸形靚過Chrissie，影出嚟啲相靚啲，我都好滿意。」寸爆師姐的她，再踩同樣出寫真的新八模成員余曉明（Hidy）不及她吸引︰「除咗Sell性感，我仲玩SM誘感，一定好睇過佢嗰本！」

對於被師妹暗寸年紀大，Chrissie昨晚接受電話訪問時說：「係咩？睇完佢本嘢拍成點先講啦！同公司唔想有是非。」

真材實料唔加墊

另一邊廂，與第1代「Canon甜心」JC同樣憑廣告彈出的Alice B.亦計劃出寫真，但卻避開書展的黃金檔，其經理人說：「可能年底先出，同品牌合作推出性感相集，依家仲傾緊，睇吓搵邊位攝影師操刀。」問到是否避開寫真戰，經理人說︰「唔好咁講，都係想影出嚟效果好啲。」昨日Alice首度為內衣品牌COLORFUL拍廣告，穿上性感內衣及睡衣大擺誘人甫士，但她堅拒透露三圍數字︰「好多女人對身材好大壓力，Cup數對我嚟講唔係一回事，係男人先注重。」最終她才透露上圍是32B。問到會否擔心與前輩JC比較，她信心十足地說︰「我唔會話自己身材完美，但唔會去隆胸，我好驚畀人劏開我嘅身體。」她自誇是真材實料，沒有加胸墊。

Alice B.

出生日期︰90年7月22日（20歲）

三　　圍︰32B、24、35

工　　作︰Canon廣告、杜蕾斯廣告

Jeana

出生日期︰89年4月1日（22歲）

三　　圍︰33C、24、34

工　　作︰新八模成員之一，去年與其他7位成員推出寫真《Girls Look Book Volume 2》