Kay闔家撐婚禮 Donald娶Jan唔肯豪

DJ Donald（唐劍康）與女友張詠欣（Jan）下月中假淺水灣舉行婚禮，並邀得謝安琪一家總動員做兄弟、姊妹團，陣容強勁！

前Krusty成員Jan與Donald下月14日舉行婚宴，快將成為唐太的Jan坦言，日子愈近便愈緊張，更開始失眠，幸好結婚相早於去年9月拍完。兩口子揀在英國及非洲取景，全因Donald情迷英國，而非洲則是一個特別的地方，問Jan的婚紗可性感？她說：「我都冇嘢露，不過晚裝大露背㗎！」

Jan透露兄弟及姊妹團名單已敲定，謝安琪（Kay）除了擔任姊妹外，她的老公張繼聰及兒子張瞻分別任兄弟及花仔，與「伴郎」阮小儀及兄弟方力申等鬥法。Jan慨嘆Krusty舊拍檔活己嵐因坐「移民監」而未能出席，可謂美中不足！準新郎Donald則說：「我唔係大明星，唔會搞好豪嘅婚禮，怕畀人笑！（花費多少？）5至6位數字啦！」他表示因家中發生事故，令他明白到幸福非必然，故再向Jan求婚。

Steven讚抵得諗

對於姊姊Jan出嫁，張致恒昨日表示未想到送甚麼賀禮：「我祝佢早日生BB！因為我好鍾意湊BB㗎！」他大讚準姐夫Donald是超級大好人：「我細個成日笑家姐一定嫁唔出，連佢都信自己做老姑婆，所以我覺得Donald好抵得諗！」