高海寧喝止偷拍狂
身材出眾的高海寧，原來心口掛個勇字，曾於港鐵勇救一名春光乍洩、差點成為偷拍狂獵物的女子，認真「唔嘢少」！
高海寧與陳美詩（Macy）昨日齊齊換上背心短褲，出席《潮人飛行夢工場》活動，與現場人士示範操作遙控直升機，二人異口同聲表示直升機設有鏡頭，擔心會成為偷拍對象，後來得悉遙控直升機飛行高度只有兩層樓高，才稍為放心。
身為無綫咪神的高海寧，慶幸從未被偷拍，但她喜愛伸張正義，自爆曾於港鐵遇偷拍狂徒：「有個女仔坐我對面瞓着咗，唔覺意擘開對腳，我隔籬個男仔就對住佢影，我咪即刻大聲話佢做咩影人裙底囉！」
陳美詩誓言報警處理
而Macy原來曾成為被偷拍對象，她說：「試過喺港鐵有個男人想影我裙底，仲係咁追住我，我驚到唔敢出聲，諗番覺得好嬲，決定如果再發生實報警！」她笑言拍劇曾以為對手博懵，了解後才知誤會。
高海寧曾阻止狂徒偷拍其他女士裙底。
陳美詩玩遙控直升機時相當投入。
