最近升呢為網友新寵的無綫小花樂瞳，人紅被翻舊帳，早年為龍友拍攝的照片流出，她說：「讀書時兼職賺零用錢，當年又肥又唔識得化妝，加上唔興用大眼仔同埋黐假眼睫毛，所以個樣變化好大。」對於「龍照」被流傳，她感嘆：「控制唔到，希望大家高抬貴手。（有冇影過泳裝？）有，但係健康感覺，絕無賣弄性感。」此外，樂瞳昨日在網誌上載去年在日本拍攝的婚紗廣告相，表示首次看到櫻花，大感興奮！