本報昨日收到讀者報料，指杜麗莎拖欠前助手阿Dee薪金、代通知金及遣散費，今日在勞資法庭對簿公堂！本報記者向阿Dee查詢，他指被拖欠6位數字：「我同杜麗莎合作咗4年幾，唔想太過抹黑佢！嗰日開會佢講咗啲說話，令我覺得佢炒我，不過佢就話我係自己走，反追討我代通知金！」至於杜麗莎至截稿前仍未回覆，但獲徒弟王祖藍力撐：「老師咁多年來對助手非常好，當佢兒子一樣！呢件事幾傷害老師，我都好痛心！我會為呢位助手祈禱！」
杜麗莎被指拖欠薪金，今日對簿公堂。 （資料圖片）
