曹敏莉執定「走佬袋」 陳法蓉撐姊妹百無禁忌

大肚蔡少芬（Ada）繼續家居裝修工程，又貼上「責任自負」等字眼於門外作警告，好友陳法蓉指基督徒「百無禁忌」，但有提醒Ada入院生BB時，最好準備一件漂亮的衣服：「佢着得靚啲，出院時可以應付神通廣大嘅記者嘛！」至於同是教友的韓馬利則希望傳媒留些空間給Ada，又讚張晉很照顧老婆：「我覺得Ada冇浮腫，依舊步履輕盈喎！」而王祖藍則表示最近忙於拍劇，已有數周沒見過Ada，但覺得她依然是個靚靚準媽咪！

陳倩揚打的生BB

另一方面，日前本港有孕婦於醫院停車場內產子，令曹敏莉、陳倩揚、歐倩怡及姚瑩瑩等圈中準媽咪提高警覺，異口同聲表示要防患未然！曹敏莉說：「如果遇到咁嘅情況，我會第一時間打畀阿媽！雖然仲有一段時間先生BB，不過我一早執好晒『走佬袋』，裏面有毛巾、睡衣、內衣同臍帶血盒，老公都好勤力咁刨緊BB書！」陳倩揚則表示臨盆時會搭的士往醫院：「我怕老公揸車會分心，照顧唔到自己囉！」已有一子的歐倩怡為穩陣計，連產前超聲波相亦跟身，而姚瑩瑩則聘用陪月照顧。