林峯驚蝕底雙手護陰

在中、港爆紅的林峯近日雖然備受與內地女星潘霜霜的「床照事件」困擾，但無損到內地工作的心情，前日他到內地出席活動，期間因場面混亂，不禁用雙手「護B」，以免遭殃！

林峯前日北上到佛山及雲浮市剪綵搵真銀，當日下午他先到佛山，有近2,000人到場支持，雖然有保安護駕，但因為Fans太多兼太過熱情，他的雙手一直護着褲襠，以免「小峯」受襲！

公安下令取消公開剪綵

其後林峯即趕往雲浮市，但因Fans逼爆馬路及不肯離去，使行程受阻，不過最後也順利到達目的地。當地聞「峯」而至的Fans人數比佛山更誇張，有逾萬人到場，令交通全面癱瘓，即使大會多番作出勸喻，Fans依然不肯疏散，最後公安以安全為由，下令取消公開剪綵儀式，改為閉門進行。

活動後，有記者問到雙手護「小峯」？林峯笑說：「唔係刻意嘅，雙手只係自然咁放喺前面啫！有咁多保安，我都冇擔心過。（有冇畀人抽過水？）面同膊頭試過畀人摸，但『嗰度』就未試過。」此外，他表示會叫女Fans注意安全，以免在混亂中被博懵。