徐綺雯嫁百億闊少喜宴拒請舊愛亨亨

許晉亨舊愛徐綺雯將於年底下嫁澳門百億製衣業鄺姓太子爺，並會在澳門舉行三日婚宴。據知，其未婚夫的家族多年來與不少國際超級品牌如Trussardi合作製衣，每年生意額逾5億元，在中港澳人脈甚廣，加上徐母是澳門著名墓園孝思墓園的後人，故婚宴會邀請逾千賓客，估計單是婚宴已花費200萬元。

即將下嫁百億闊少，徐綺雯表示不想談對方家底，但又忍不住透露與未婚夫自小已認識，兩年前在日本重逢後才拍拖：「拍咗三個月就認定對方，睇相話屬龍好夾我哋，所以想出年生龍BB。我哋兩邊家族都有人生孖胎，所以好想生對孖胎。（人工受孕？）唔使，我哋後生又健康，老公又咁掂，哈哈！」徐綺雯大讚未婚夫踏實進取：「佢凡事落手落腳，唔係一般公子哥兒咁咩都唔識，以前啲男友只會好叻去氹你開心，但生活細節咩都唔識，連部電腦Hang咗都唔知點整。」至於會否邀請舊愛許晉亨出席婚宴？她說：「大家都有自己生活，佢要忙湊仔，唔會打擾佢。」