何國鉦 戥「阿仔」冇女溝唔抵
時裝設計師何國鉦（Dorian）出名是愛狗之人，其寶貝「仔女」分別是威爾斯爹利（Hugo）及史納莎（婷婷）。經驗豐富的他透露曾有一次慘痛經歷，令他內疚八年，不敢再養狗：「之後養過一隻銀狐，買番嚟只有兩、三個月大，有次去旅行放低畀朋友養，點知個朋友將佢放喺廁所度，後尾患上狗瘟，聽到醫生同我講佢『唔得喇』，我覺得害咗佢、送佢去死，係好大教訓！」
及至4年前遇上「婷婷」及Hugo，Dorian才放下這個慘痛教訓：「一般史納莎係好嘈，但婷婷返到屋企兩個星期都冇吠過一聲，初初我以為佢啞嘅！直至Hugo出現，有日Hugo喺屋企搗蛋畀我鬧，婷婷先第一次吠，唔知係咪叫我唔好鬧佢！」他笑言Hugo貪玩、婷婷為食，故被冠以「肥婷」之名：「有年我帶婷婷行時裝騷，傳媒誤以為謝婷婷行騷，笑到爆嘴！」此外，他表示因香港甚少威爾斯爹利，故至今仍未能替Hugo覓得女朋友，笑言戥牠不值。