梁雨恩Talk餐飽許穎執相美肌

影相App或者趣味遊戲大多是圈中女星的「飛佛」，不過歌手梁雨恩則例外，她坦言喜歡成班朋友傾餐飽，推介聊天App「Kakao Talk」，她說︰「呢個App免費下載，仲可以開Group Chat，就算冇約出嚟都可以成班人一齊傾偈，而且無限人數，我試過有廿個朋友一齊傾，仲可以喺個App度Send相，只係Send一次，其他喺Chat Room嘅朋友都可以收到，發生咩事即刻同朋友分享。」她表示平日與朋友去到邊傾到邊，大讚方便又實用。

而模許穎十分貪靚，平日經常自拍上網，故她向女士推介能美肌影相的App「Bling Bling」，她說︰「雖然要畀2.99美金（約23港元）下載，但我覺得物有所值，除咗可以影相，仲可以執相，仲有美肌功能，最啱我呢啲鍾意影相嘅人。最好係有埋貼紙相功能，好方便，唔使特登出去影都有呢種效果。」

梁雨恩推介

App︰Kakao Talk

價錢︰免費

攻略︰開啟聊天室後只要邀請朋友進入即可聊天，沒有人數限制，亦附有傳相功能分享照片，與電腦網上聊天室操作沒有分別。

許穎推介

App︰Bling Bling

價錢︰2.99美元

攻略︰除影相外，還附有多個執相功能，可自由加入不同背景裝飾，玩法跟貼紙相機大同小異，而美肌功能是女星必然之選。