Rosanne開刀誔7磅囝囝

原本打算自然分娩的2R成員黃婉君（Rosanne），豈料早產需開刀誕下男嬰，妹妹黃婉佩（Race）大讚男嬰可愛！另外，名模Danielle Graham將於下月分娩，並為女嬰改名為Sophia。

前晚Race和父親出席泰拳比賽時，透露預產期在下月底的姐姐Rosanne，已於本月15日開刀誕下7磅男嬰，母親請相士為外孫改中文名為白迅，由姐姐改洋名為Dylan。Race透露姐姐產前一晚感肚痛，翌日因不放心到醫院檢查，豈料早產需立刻開刀分娩，Race說：「BB個頭未轉到落去，開刀成個過程只係半個鐘。唔可以自然分娩可能係天意，BB唔想媽咪辛苦。BB眼定定少眨眼，好似外星人咁望住我哋，可能都覺得我哋似外星人。」她還說Dylan似父親，而姐姐會餵人奶。

大肚Danielle晒幸福

另一方面，名模Danielle將於下月在馬國分娩，她為女嬰改名為Sophia，Danielle說：「女兒嘅中文名有個愛字，呼應長子Benjamin中文名嘅樂字，寓意充滿喜樂同愛。囝囝每晚都會錫我嘅肚皮同妹妹打招呼，仲將洋娃娃當妹妹咁服侍，同佢換衫餵奶。」她透露會自然分娩，餵人奶半年，不會放棄模界工作。

Danielle因飲食均衡，每周上瑜伽課，故懷孕至今只重了10Kg。Danielle又大晒幸福：「感激丈夫無微不至嘅照顧，初期我成日嘔吐同頭暈，丈夫為我按摩腳令我瞓好啲，而且每次檢查都陪住我，He is my rock and light of my life 。」

文：名人組、音樂組