蔡卓妍（阿Sa）日前為英皇地產新樓盤「港島．東18」拍宣傳片，昨日出席樓盤活動時更承認購入一個中型單位：「七位數o架！今次係用嚟放租，所有嘢係媽咪搞。（老闆楊受成畀折扣？）有！都要睇吓抵唔抵同值唔值先入手。」不過，她強調未有打算與男友陳偉霆築愛巢，問到有否叫男友買一層投資？阿Sa說：「冇同佢傾，佢同我一樣交畀阿媽投資。（兩個阿媽見過面？）哎呀！唔想講呢啲。（古巨基掃兩個單位！）手快有，手慢冇！」
阿Sa幫手宣傳樓盤，獲贈「實發」泳衣！
