劉心悠演舞台劇好彩廣得正
由劉心悠主演的舞台劇《直子小姐》前晚正式開鑼，她自爆開場前緊張到腳震震：「好在高踭鞋唔係咁高，暫時唔想畀自己分數，因為仲會做落去。演舞台劇好考體力，但第一晚返到屋企真係瞓唔着，個腦不停咁轉。（有冇唔小心講唔正廣東話變咗爆粗？）咁又好彩冇喎！」心悠還感激好友到場打氣，稍後媽咪也會特別來港觀看其演出。
另外，Yumiko前晚捧場時讚心悠是不少男仔心中的女神，絕對是圈中筍盤！專誠撐場的鄭嘉穎被問到是否有意追求，他說：「唔好咁講，大家同劇嚟支持吓。心悠工作態度好好，朋友嘅嘢冇話鍾唔鍾意，你哋講得太遠喇！」
劉心悠演舞台劇緊張到腳震又失眠，好彩仍順利完成。
張致恒（右）、Yumiko（左二）與劉浩龍到後台為劉心悠打氣。