任達華對毒誘說不
莫少聰與孫興於北京涉吸毒被捕，任達華前晚出席高級訂製洋服品牌Ascot Chang活動時說：「同聰仔好熟，我哋鍾意運動，以前合作識嘅，佢係一個好健康嘅人，相信佢今次係應酬上嘅失誤。（應酬時有冇人畀嘢你食？）冇，就算畀嘢我飲都唔會飲，我識得說『不』！」華哥希望大家給聰仔改過機會：「件事佢已經認咗，出嚟道歉係應該嘅。做錯事要畀機會佢，電影圈需要識做戲嘅人，我哋都好想佢出番嚟拍戲。」
謝天華曾幫聰仔伴舞
至於有傳熊欣欣於新片會換走莫少聰一角，他昨日強調：「絕不換角！（有冇再探莫少聰？）冇得探。（佢幾時放出嚟？）話十四日嘛！冇聽過會提早。（送物資畀佢？）唔需要。」同樣與聰仔相熟的謝天華，昨日說：「佢出第一隻碟要表演，我做舞蹈員，覺得佢幾靚仔、健康。雖然話娛樂圈好多古靈精怪事發生，其實都唔係，只要個人夠堅持就唔會被影響到。」
任達華希望莫少聰知錯能改，盡快冇事。
謝天華