亞視「星光幫」羅力威下月在藝術中心舉行兩場音樂會，昨日開售的八百多張門票在十分鐘內售罄，成績不俗。雖然雙眼共生六粒眼瘡搞到又紅又腫，但他仍親自到場答謝歌迷，送紀念品及齊齊開香檳慶祝。對於門票火速賣清，羅力威坦言開心：「可能因為人數只有幾百。（目標係紅館？）未敢奢望，逐步嚟啦！（點答謝歌迷？）唱好歌。」記者提議即場送吻，身後歌迷大聲叫好，搞到羅力威怕醜勁尷尬！
羅力威到場答謝歌迷支持，但拒絕送吻。
音樂會成績理想，但羅力威似乎「飲唔得杯落」！
