樂隊RubberBand與師弟鄒文正（Terry）前晚現身酒吧騷，將於下月與謝安琪、蘇永康舉行音樂會的RB，最近以多種形式開騷，還希望在森林或原野舉行音樂會。
提到於郊外演出，RB透露日前在營火前拍攝MV，身兼導演的主音6號說：「首歌聽完令人好『醒』，有諗過叫『醒歌』，不過唔想好似抽黎耀祥水咁！」泥鯭形容隊友在熊熊烈火前變身雞翼，他說：「好似燒緊自己咁！6號睇住女Dancer跳舞嘅片段係咁叫『正呀！』、『靚呀！』，不過佢係話個構圖啫！」
RB成員6號（左起）、阿正及阿偉在酒吧落力表演。
