李亞男吼實祖藍餅印妹

李亞男出席港姐招募活動時表示，有意提名男友王祖藍的妹妹參選，並大讚對方有愛心，至於外形則與祖藍差不多：「減完肥就同祖藍一樣咁美麗啦！」

楊思琦、李亞男、張嘉兒及陳庭欣等前晚到海港城出席《2011年香港小姐競選》招募活動，眾女行Catwalk大騷儀態，並分享入行以來的心路歷程。亞男表示有意提名男友王祖藍的妹妹參選，並大讚對方有愛心：「好關心老人家！不過要佢願意先，同埋佢話要減肥，減完肥就同祖藍一樣咁美麗啦！（佢幾高？）同祖藍差唔多，不過依家啲花旦都唔使咁高啦！」她又表示其親妹只得15歲，暫時不合資格：「不過佢鍾意科學又唔會扮靚，但可能人大大吓會變啦！」亞男又透露將於9月到美國參加佈道會，順道探家人，祖藍也可能同行，但不知會否「見家長」。

楊思琦想攞十年金牌

身穿低胸裝的思琦表示時光飛逝，不知不覺入行已十年，笑言想無綫頒贈十年金牌！問到有否打算返內地搵真銀？她說：「目前都開心，有主持有拍劇，冇諗過離開。（唔夠膽走？）其實都試過喺內地拍戲，學到好多嘢，但都等公司安排，兩邊同步都幾好。（羨慕佘詩曼？）各人有唔同發展。」對於近期不少女藝人出嫁，思琦戥她們開心，但她則沒有結婚打算。

陳庭欣與男友少聯絡

至於陳庭欣早前被拍到與黎諾懿行街而傳緋聞，她透露男友沒有過問：「佢冇問，最近我哋係少咗電話聯絡，不過兩個人相處係講信任。」

文：影視組