廖碧兒遭趙彤撬牆腳

廖碧兒狠撇陳豪與富二代林忠豪撻着後，為保星途轉玩地下情，日前化身「三陪」(目及)實男友！不過，在沒有廖碧兒「監管」下，林忠豪即偷會霍啟剛緋聞女友趙彤！

雖然舊愛陳豪被指與陳茵媺撻着，但投入與林忠豪玩地下情的廖碧兒（Bernice）一於少理，索性修心養性等做闊太！為免臨門撻Q，她改策略做跟得女友，一方面陪食、陪傾生意兼陪玩做「三陪」，表現得溫柔體貼，另一方面則全天候(目及)實男友。

上周五晚上，Bernice陪林忠豪與朋友在中環用膳後，分頭現身皇后大道中的太平行商廈私竇耍樂。林忠豪相當小心，與友人從座駕步進商廈期間左望右望。相隔不夠十分鐘，Bernice與女友人現身上址會合情郎。

撇甩男友開工

個多小時後，Bernice與友人離開商廈到蘭桂坊夜場，邊行邊玩電話，甜笑頻頻，相信與林忠豪電話傳情！正當這邊廂Bernice與友人進夜場，那邊廂林忠豪與友人步出商廈，前往夜場會合Bernice！至凌晨二時，二人先後步出，各自乘車返寓所。

雖然Bernice跟到實，但離港工作期間難免走漏眼，遭霍啟剛的33D緋聞女友趙彤「硬撬牆腳」！本周二晚約八時，記者發現林忠豪與趙彤及數名友人到中環食店歎日式燒烤，至晚上十時許才離開。先行步出的林忠豪極為機警，左顧右盼，尾隨的趙彤則表現風騷，邊行邊傾，並熟稔登上林忠豪座駕，齊齊到日前林忠豪與Bernice「蜜」會的太平行商廈短敍，至深夜才前後腳離開。

唔識「情敵」乜水

事後記者致電Bernice，問到與林忠豪夜蒲中環？她大方地說：「唔係淨係得我同佢，仲有成班人，之後大家有個合作計劃，所以約埋啲拍檔商量吓！（佢『蜜』會趙彤？）我唔識呢個女仔，識朋友係自己選擇，我同林生都係朋友！唔理呢啲嘢。」而趙彤則表示當晚有其他朋友在場：「佢係我以前男朋友嘅朋友。（撬牆腳？）呢排好忙，冇時間拍拖。（避忌？）係正常朋友！唔識Bernice，睇報道知佢哋傳緋聞。（係咪喜歡類型？）總之依家冇拍拖！」

廖碧兒（Bernice）

年齡：32歲　三圍：35C、25、34

緋聞男友：劉愷威、陳豪

趙彤 （Yedda）

年齡：29歲　三圍：33D、23、34

緋聞男友：霍啟剛