基仔擲千萬掃豪宅
古巨基（基仔）近日忙於宣傳國語碟《大時代》，昨日特別返港出席英皇樓盤「港島˙東18」的開售記者會，他率先宣布以8位數字購入兩個單位，再次做業主，但否認用來結婚成家：「我買咗兩個單位畀屋企人住，媽媽鍾意海景，所以我揀高層睇到海，希望屋企人可以住得舒服啲！（結婚？）有物業同成家係兩件事，我未成家，成咗一定唔會否認！」
雖然基仔透露獲公司提供優惠價下投資8位數字，但根據資料顯示，兩個單位合共超過4,000萬元，基仔說：「我不嬲唔識投資，買樓好似踏實啲，依家手頭上有5個物業，父母同細佬幾頭住家！（婚後加埋老婆名？）冇問題吖！佢嘅錢都係我嘅錢，大家冇分o架啦！」他坦言緋聞女友Lorraine平日幫忙管理財政，為他減輕不少負擔，問到何時正式將她升任為老闆娘？他不停傻笑說：「升職呢樣嘢要再諗諗！（有共識未？）未有呀！」
古巨基再度榮升業主，可喜可賀！
基仔獲贈星級住戶證，凸顯身份。