陳嘉寶周街撩女

日前「邦民女」陳嘉寶（Anjaylia）到校園為其模特兒公司舉辦的模特兒比賽擔任評判，升呢做師姐的她與名模何紫綸（Ann）傳授行天橋秘訣。Anjaylia坦言揀師妹好頭痛︰「好多個模特兒我都好鍾意，真係好難揀！」並讚賞一班新人表現出自信一面。此外，Anjaylia自爆有次行街發現靚女，即衝上前問對方攞卡片力邀試鏡：「個靚女都嚇咗一跳，好彩認得我，知道唔係騙案！不過做星探雖然可以發掘有潛質嘅人，但我鍾意模特兒工作多啲。」

Anjaylia（左）與何紫綸大方向後輩傳授行天橋秘訣。