鄺敏慧被嗌錯名詐型
昨日崔建邦前女友鄺敏慧（中巴）出席apm舉行的《健力士魔術大匯演活動》，期間被司儀多次錯叫為「鄺慧敏」。事後中巴笑說：「個名好少畀人叫啱，頭先知道被叫錯都有反映，但唔會因為咁而改名，因為個名係父母畀我，可能個名本身都係錯，我出世時可能Daddy真係想叫我做『慧敏』呢！」此外，她透露會與朋友打發復活節假期，但並非追求者：「感情呢啲嘢唔急得，等緣分，希望出現個好嘅！」她續說有留意近日有關魔術表演時意外切去妻子頭部的傳聞片段，笑言若追求者識玩魔術，最多會讓對方示範變花：「唔會畀個頭去試！」
