秋生贊成嚴打缺德演員

「中國廣播電視協會電視劇導演工作委員會」日前傳出正草擬一份犯了不守時、扮大牌及擅改劇本等的演員黑名單，見識過演員醉酒開工的黃秋生指，內地影視界的確有需要正視欠缺責任感的問題！

有傳「中國廣播電視協會電視劇導演工作委員會」正草擬的黑名單，主要針對問題演員8宗罪：拿了高片酬而沒有履行合約、不守時、不尊重對手、因客串其他影視製作影響正常拍攝、無理索取高片酬、擅改劇本、辱罵導演、動輒以「罷演」作要脅！雖然名單只供導演內部傳閱，不作公開，但據悉內地多位一線男女星均有上榜，其中包括經常演軍人角色的男星，曾在記者面前炮轟導演水平低，麻煩多多的他喜歡叫編劇到現場改劇本；某女星曾演清初太后，因自恃是前輩級變成「犯眾憎」，試過不滿劇本情節拒絕拍攝，要編劇到場改劇本；自詡是「中國最美麗的女人」的女星十分大鼻，拍攝古裝劇時，要劇組揀全國最好的化妝師給她挑選。

爆有演員醉酒開工

對此，近年經常到內地拍劇的黃秋生說：「行業發展太快，好多冇操守嘅又話係演員，點止唔守時，有啲直頭飲醉至嚟開工！其實市場係會自然淘汰呢班人，但有人肯正視呢個問題都好嘅！太多人冇責任感，無論演員、導演、幕後，咁樣大家唔會進步！」對於孫興涉毒案，秋生說：「奉勸各位同業，老嘅嫩嘅，悶就睇書、跑步、踩單車、Shopping、煮飯仔，唔好再掂呢樣嘢，有人叫你食即係害你咋！見到有人食都即刻掉頭走啦！（應酬好難推？）可能我人悶，都冇人搵我去應酬！」

至於導演馬楚成也風聞內地演員的厲害，他說：「我聽過有啲要求喺荒山野嶺拍戲，劇組每日要提供一百隻雞蛋畀佢！都唔知佢要嚟做乜！又有三、四線藝人要靚車載出市區，載過麵包嘅都唔肯坐，不過我好慶幸未遇過呢類演員。」

不過，「中國廣播電視協會電視劇導演工作委員會」秘書長閻建剛昨日澄清，協會只會推出自律維護機制，而不是草擬黑名單，以此平息外界對黑名單的非議。

文：影視組