圓圓加讚拖手見家長
搞手之一汪圓圓前晚偕男友、玩具大王蔡志明孻仔蔡加讚到場，並首次以公開情侶身份唱歌賀家姐汪詩詩，二人表現合拍，加讚更邊唱歌邊捉實女友手仔晒恩愛，台下的汪父汪母亦聽出耳油，不時會心微笑。加讚獲安排與汪氏一家坐在主家席，合照時儼如一家人，「女婿」地位可謂穩如泰山。
圓圓表示首次與姊夫甄子丹合力籌備生日會，並親自邀請姊姊60位朋友：「今次家姐乜都唔知，係我同姐夫籌備，不過姐夫唔係成日喺香港，我先知原來搞派對都幾辛苦o架！因為平時呢啲嘢係家姐做！」而加讚則拒絕透露送甚麼禮物給詩詩：「後補！」
圓圓與加讚拖手合唱，未知汪母有否「口水嗲嗲渧」？
汪父抱着James進場，汪母緊隨其後。
