拒翻撻舊愛　DaDa處女擔正拋胸凸圍

陳靜（DaDa）、楊愛瑾、黃伊汶及錢國偉等昨日為電影開鏡，女演員毫不吝嗇大騷身材，首次擔正的DaDa露出四吋事業線，與前男友Square成員趙俊誠（Gary）同場並不尷尬，更大讚對方「股惑」！

電影《喜愛夜蒲》昨日開鏡，「百果園咪神」DaDa性感撐場，更露出四吋事業線，力壓性感女演員「突圍」。導演錢國偉（Wilson）表示，是次劇本以早年電影《晚九朝五》為藍本，該套電影除陳豪露股演出外，更有不少露骨鏡頭，問到片中的女演員會否脫衣演出？Wilson說：「性感囉！唔會除晒衫，除晒唔好睇。」

愛蒲爛玩似自己

性感現身的DaDa表示，是次造型貼近戲中「愛蒲爛玩」的角色，與前男友Gary首次於電影碰頭，卻未有對手戲，二人更大方承認過往的一段情，DaDa說：「我哋識於微時。（幾時一齊過？）大家做Model嗰陣。」

問到可希望於電影舊情復熾？DaDa即笑說：「我想試新嘢喎！我個角色好Wild o架！（翻兜？）翻兜完啦！兜兜轉轉又何必呢？依家係好朋友！」

問到Gary會否介意露股演出時，他笑說：「依家未有，有都冇所謂。」問身旁的DaDa覺得他的屁股如何？DaDa即尷尬笑說：「咁股惑？（嗰時OK嗎？）見仁見智啦！對於我嚟講都OK，佢乜都OK，我欣賞佢性感多過個股！」

近兩年未有踏足影壇的黃伊汶坦言，為撐好友Wilson而客串：「我喺入面做老闆娘。（性感？）唔會啦！會有感情戲。」她坦言正專注鐘錶生意，並笑言其品牌已上軌道，問到會否再唱歌拍戲？她說：「鍾意時就做鍾意嘅嘢囉！依家幾輕鬆充實。」