江若琳有拖拍唱通街

江若琳昨日出席活動時透露將往新加坡拍戲，片中與男主角阿牛有床戲。她不諱言渴望拍拖，更不介意公開戀情。

復活節將至，江若琳（Elanne）昨日出席活動，與一班打扮成動物的小朋友慶祝一番，活動後再飛往新加坡及檳城拍戲。將於新片《結婚那件事》與阿牛有床上戲的Elanne，被問到可會飛抵當地便立刻拍攝該場戲份時，她表示先試造型，然後再開會決定。由於當地美食多，她說：「我好擔心會肥，每次去完嗰度返嚟都會肥，導演話我要食咩就買畀我，所以我都帶咗好多做Gym衫去Keep Fit。」

撮合不少Fans情侶

身為基督徒的Elanne，過往愛跟教友共度復活節，今年則要在工作中度過，她表示過往曾有教友以復活蛋藏戒指向女友求婚，令她印象深刻，她不諱言渴望拍拖：「依家好多圈中人都公開拍拖，好戥佢哋開心。（你拍拖會公開？）會呀！（唔怕男Fans呷醋？）佢哋每日都喺我微博叫我搵番個男朋友，又話我今次拍戲終於有人娶，其實只要我幸福，佢哋就會開心。」她自言是粉絲的媒人，因為她在歌迷會撮合不少情侶。