內地唔批「穿越劇」Sa鋒搭上尾班車

近年內地出現了大量穿越時空為題材的電視劇，為免「穿越劇」渲染封建迷信及宿命輪迴論，有消息指中國廣電總局日前發出通知，今年2月後，有近30部穿越時空劇不獲審批！昨日內地再有消息指四大名著《紅樓夢》、《三國演義》、《水滸傳》及《西遊記》題材亦被禁止翻拍，避免題材被扭曲！

星爺新片不受影響

如此一來，令人聯想周星馳監製、還未開拍的電影《大話西遊》（暫名）會否受影響？星輝公司指該片已通過立案申請，不受影響。而甄子丹主演的《關雲長》及謝霆鋒、蔡卓妍（阿Sa）主演的「穿越劇」《劍俠情緣》亦成功趕上尾班車過關！對於有傳禁拍四大名著，甄子丹說：「希望唔係真！四大名著蘊含中國文化，拍成電影可以推廣中國文化！」另有傳黃百鳴有意開拍《林沖傳》，黃百鳴接受電話訪問時說：「《林》片十畫都未有一撇！我聽到題材限制只係電視劇，唔關電影事！」

另一邊廂，阿Sa昨日出席英皇樓盤活動時，拒透露持有多少物業：「唔知，怕畀人綁架！好驚，我好窮冇乜錢！（追到億元富婆容祖兒？）唔得！祖兒好勁，我係細奀嘢！」她不介意與男友陳偉霆合資買樓，問到是否一起用錢？她笑說：「我嘅係我嘅，佢嘅係我嘅，咁就最好喇！」