百變天后Lady GaGa最近再以「角面妝」登上音樂雜誌《NME》封面，對於屢遭外界批評靠出位造型上位，她爆粗捍衞自己有「食力」：「如果你扯×甩我個煲呔形假髮、我對鞋、我個Bra同身上所有嘢，然後掟我去彈琴唱歌，我一樣令你感動到喊×咗出來！」
此外，霍士新聞網選出GaGa的人頭電單車新碟封面為史上最差唱片封面之一，Prince、雪兒及披頭四等亦有入圍，網友則票選GaGa新碟封面是「屎」上最渣！