諸葛唔信法拉趕絕情敵

名模諸葛梓岐昨日首度以Neway未來老闆娘身份出席活動，甜絲絲地接受祝福！對於未來妯娌陳法拉被指踢走HotCha成員Regen，她力撐法拉性格好，看來已冰釋前嫌！

諸葛梓岐（Marie）昨日與Neway旗下歌手鄭融出席《中港城馬賽克藝術》開幕禮，鄭融即席製作一張結婚卡給未來老闆娘Marie，但當主持叫她說恭賀說話時，她卻一臉尷尬！問到是否很怕Marie，鄭融說：「我好少睇雜誌，唔知係咪真，而且好少問老闆私人問題，都係今朝先知係真嘅！真係好恭喜佢哋！」

鄭融大膽約老細

至於Marie被追問婚禮詳情時甜笑說：「等男友搞，我專心做嘢。（試咗婚紗未？）我都想快啲，但我想件婚紗豪華啲、搞嘢啲，可能會自己設計！」對於有報道指陳法拉踢走曾與其男友薛世恒約會的Regen，Marie表示未看過有關報道，故不知如何回應，但她力撐法拉說：「喺我嘅認知，佢唔係啲咁嘅人。（最近喺家庭聚會有冇見過法拉？）冇呀！最近比較忙，唔得閒。」

記者問鄭融會否擔心像Regen一樣，因與老闆食飯而出事，她笑說：「都怕o架！（私下有冇食過？）有約過，但時間唔啱，最多叫埋未來老闆娘一齊！」