栢芝爆寶貝仔咬甩金像獎

出爐影帝謝霆鋒前晚與一班好友慶功，但由於是晚上活動，兩位兒子Lucas與Quintus未有現身，留在家「覺覺豬」。老婆栢芝接受電話訪問時被問到霆鋒有否一如以往，拿獎後將獎座給Lucas看？她笑說：「有！但今次有啲特別，因為電視台送咗個朱古力金像獎畀Lucas同Quintus，我諗住叫佢兩個揸住影相，點知Quintus撕開包裝紙，一啖就咬咗獎頭，阿哥見到咁就咬個獎尾！」對於老公奪影帝，栢芝當然開心不已，問到如何與老公二人世界慶祝？她說：「冧莊至算！」還笑言現在會朝着奧斯卡最佳剪接或幕後製作獎項的目標進發。