被稱做圈中小富婆的蔡卓妍（阿Sa），一向投資有道，日前她獲英皇地產最新豪宅「港島．東18」邀任代言人，她笑說：「睇吓我做代言人有幾大折扣優惠，同媽咪研究吓入巿。」阿Sa的獨到投資全靠媽咪，她說：「我只係識做嘢搵錢，投資嘅嘢就交畀媽咪，多年來都有啲進帳。」拍攝時，阿Sa被要求做一個拗腰動作，雖然平日有做舒展運動保持柔軟度，但為求效果佳，她找來同事協助撐住她的背部拍攝，她笑說：「拍呢個鏡頭真係好攰。」此外，今年Twins有連串慶祝十周年活動，更計劃到澳洲拍MV。
阿Sa表示拍攝拗腰動作時很攰。
