徐靖雯拍拖必公開
曾與鄭嘉穎傳緋聞的模特兒徐靖雯（Jenny），昨日與第三代Canon女Melanie Z.一起擔任於apm舉行的《Let's Celebrate皇室世紀婚禮》活動嘉賓。穿上宮廷式晚裝的Jenny，裙子胸口位置明顯被勒緊，但仍有鬆脫下滑迹象，她不時用手掩着防走光：「條裙太闊，我已經喺背面扣咗好多扣針，扣緊啲。（會唔會呼吸困難？）唔會。」
Jenny自言一身打扮很有結婚感覺，雖然現在仍未有男友，但將來拍拖也想公開戀情：「不過要睇男方意願，自己就想得到大家嘅祝福。（搵圈外男朋友？）要睇人。」
問到是否覺得這樣對另一半不公平？她說：「覺得呢條路好難走到去結婚。（係咪因為咁同鄭嘉穎分開？）唔係，我哋只係朋友，大家唔好聯想到佢。」
同場的Melanie則透露，最近和男友聯名置業共賦同居，但未有結婚計劃，笑言正等待男友向她求婚。
Melanie Z.（左起）、新地代理有限公司租務部總經理馮秀炎和徐靖雯，一同在台上祝酒。
Melanie Z.一身公主Look示範皇室禮儀。
穿上宮廷服的徐靖雯表示，因怕裙太鬆會甩，故用很多扣針扣緊。