唔怕無綫封殺 陳鍵鋒亮相亞視揾撈

陳鍵鋒昨日亮相亞視綜藝節目，由亞視高層葉家寶陪同接受訪問，狀甚得寵！首次踏足亞視的他笑言「感覺得意」像到訪主題公園，問到是否到亞視簽約？他笑說：「參觀吓、探吓老闆同埋監製鄧特希，睇吓有冇合作。（唔怕無綫封殺？）之前話我轟炸無綫，佢哋都冇封殺啦！佢哋好大方，之前《東張西望》都有訪問我，應該冇封殺意欲。」

對於亞視邀請出席下月廿九日的台慶及拍攝明年台慶劇，陳鍵鋒表示下半年將到內地拍劇：「傾緊，如果有期會出席台慶。（唔怕無綫嬲？）我都去咗佢哋咁多年台慶啦！公平啲，我上埋Cable囉！（拍亞視台慶劇？）如果機會好、合作嘅人又有好水平，我好樂意合作。」

陳鍵鋒亮相亞視暢所欲言，還獲葉家寶送上紀念品「亞視的良心」。