莫少聰被捕片段惹爭議 洪欣：囝囝未睇到

莫少聰在北京涉吸毒被捕，現仍被拘押中！日前阿聰被捕及被盤問的片段被公開，其舊愛洪欣表示兒子「應該暫時未睇到」!

莫少聰被捕後情緒低落，更因片段曝光，令人有不同感受，其經理人公司藝能老闆張國忠坦言：「被捕短片曝光並非壞事，可當作警惕。（點施援手？）如果被起訴先搵律師，暫時情況唔太嚴重。」他澄清同時被捕的並非阿聰經理人，而是朋友，他估計阿聰要被拘留14日才獲釋，並已託了內地朋友探望，得知阿聰的精神及身體狀況都OK。

吳啟華睇到驚

至於阿聰舊愛洪欣，被問到兒子莫鎬廉可有看到父親阿聰被捕片段，她在電話中說：「我丈夫張丹峰同我個仔一齊，應該暫時未睇到。」此時有工作人員叫埋位，她禮貌地收線。而好友吳啟華透露阿聰在拘留所的身體狀況不俗，但情緒低落：「唔信佢係癮君子，佢生活健康又係虔誠佛教徒，估計係被朋友所累！希望可以早啲出嚟！尋日睇到條片，感覺唔係咁好，香港同內地處理呢啲事嘅手法真係唔同，睇到都驚驚哋，唔好行差踏錯！」

另外，曾與阿聰合作拍劇的陳秀雯大讚對方為人Nice，但久沒聯絡：「藝人嘅每一步更要小心，行錯要承受嘅嘢同普通人唔一樣，希望佢冇事！」而張兆輝則說：「以前喺明星足球隊一齊踢波而認識，冇睇過佢畀公安盤問嘅片段，會唔會係誤會？只係吸一口半口呀？我認識嘅佢冇乜不良嗜好，大家只係飲吓酒啫！」

微博討回公道

微博上，阿聰獲不少好友力撐，包括內地藝人孫霆、歌手張清源及陳雅倫等。孫霆直言此事「不可思議」，不明為何跟阿聰同被捕的人未被公布身份，質疑是否因阿聰是名人而有此遭遇，質問是否有人權，更難明為何記者可跟警察同時到場！陳雅倫則留言：「我很心痛！」而自稱曾與阿聰合作的幕後人韓庚言昨日在微博發起「少聰愛心關懷行動」，希望替好友討公道！又有曾跟阿聰開工的人表示不覺他有吸毒習慣。

此外，據知阿聰在北京掘金順利，物業包括兩個約300多萬元人民幣的單位，當中「出事」單位佔地約1,300平方呎，是他跟女友同居的愛巢。