舊同事孫耀威：最緊要爬番起身

曾與莫少聰屬同一間唱片公司的孫耀威表示，未見過對方吸毒：「前兩、三年拍戲嗰陣見番，知佢鍾意飲酒，但冇見過佢吸毒，希望佢得到教訓！其實犯錯唔緊要，最緊要爬番起身嚟過。」曾與莫少聰合作的吳浩康，得悉消息後十分愕然：「我一直聽講莫少聰係個好健康嘅人，當年我同佢喺內地拍戲，佢仲勸大家一齊跑步，希望佢冇事啦！」

而過來人周永恒現已成功戒毒，他說：「吸毒冇益，我有個腦瘤，唔知係咪同以前啲壞習慣有關，不過大家都應該珍惜眼前嘅健康，真係好寶貴！」至於何韻詩則認為吸毒並非好習慣，尤其是公眾人物更應注意言行：「因為人人都睇住，好多人生活得好大壓力，要搵個好方法去解決，我就會揀去旅行。」

曾與莫少聰合作的孫耀威與吳浩康，十分關注對方被捕的消息。