成龍攬陳自強證情未變

曾被譽為「金牌經理人」的陳自強昨晚獲頒「專業精神獎」，「坐船」出場兼有煙花綻放，成龍、任達華、吳彥祖、黃錦燊趙雅芝夫婦與關錦鵬導演等上台撐場！與陳自強合作多年、曾傳不和的成龍扶着對方落船，更即場攬攬，全場拍掌，成龍笑着叫大家先坐下：「我一講就四頁紙咁長！呢四十年裏面，我哋由普通朋友變好友，到佢成為我保母、經理人、Brother再變Partner一齊搞經理人公司。佢捧出好多新一代男女藝人歌手，做人圍牆幫大家擋風雨，依家好多仔女都大晒自立門戶，但都會永遠多謝佢！」各人陸續發表感言，任達華勸陳自強少飲酒，黃錦燊則講錯金馬獎。

學友獻唱賀攞獎

未有到場的張學友特別拍片獻唱《My Way》恭賀，陳自強聽到淚流披面！他從鄒文懷手中接過獎項，並感慨說：「我入咗呢行四十年，呢一世人冇入錯行！以前睇過好多仔女上台攞獎，好多時都希望佢哋多謝經理人，好大部分都冇，不過唔緊要，依家有機會多謝曾經同我合作過嘅人，永遠支持我嘅好朋友、仔女！」