陳倩揚及曹敏莉兩個大肚港姐昨日擔任活動評判，曹敏莉穿3吋高踭鞋，旁人爭相保護。問到是否已為BB改名？她踢爆老公非常緊張：「佢買咗本《辭海》話要揀名，佢話中文名唔可以亂改！」而懷有「兔仔」近8個月的陳倩揚則有老公仔陪住，並透露肚子比懷孕 6個月的曹敏莉小：「醫生話BB喺肚入面都有4磅幾重，出世應該有8磅！我下星期會着Mini Top影大肚相，以前冇咩身材，依家難得吖嘛！（升咗幾多Cup？）兩個！」
曹敏莉（左）與陳倩揚腹大便便，想抱抱都有難度！
