神級影帝發哥點名讚霆鋒
香港電影金像獎各項大獎今晚揭盅，五位候選影帝實力平均，謝霆鋒「越級挑戰」前輩級周潤發、梁家輝、張家輝及張學友，進入最後一輪50位評審投票時，發哥與霆鋒得票叮噹馬頭，至昨晚仍在爭拗鹿死誰手。發哥昨日接受訪問時說：「我睇好佢攞獎，新一代演員中佢進步好大，希望佢可以得到認同！」
霆鋒夫婦今晚拍拖行紅地氈，預計將成焦點之一，而栢芝昨晚大搞化妝派對為老公打氣及減壓，她「變身」後被抽中要在九龍區「繞場一周」，博霆鋒一笑。
談到獲發哥力撐，霆鋒透過助手回應：「多謝發哥囉！但一切以平常心面對。」四哥謝賢替兒子開心，更忍不住多讚兩句：「有大家嘅認同梗係開心，不過發仔可能係因為我嘅關係先讚佢啫！講真我個仔拍戲好認真、好抵讚，邊個新人好似佢咁吖？」至於英皇已訂場慶功，四哥打趣地說：「佢哋請我，我咪去囉！」
神級影帝發哥對獎項抱平常心。（資料圖片）
誰爭帝位？
謝霆鋒—《綫人》
張學友—《月滿軒尼詩》
張家輝—《綫人》
周潤發—《孔子 決戰春秋》