天華暗寸山聰多病痛
徐子珊、謝天華及江若琳昨日宣傳新劇《洪武三十二》，對於拍檔馬德鐘、陳山聰及陳鍵鋒均缺席，子珊開玩笑說：「佢哋呢幾位新聞人物呢排被寫個不停，可能身心疲累啦！」對於陳山聰從未出席宣傳，天華說：「我唔知喎！佢呢排多病痛，希望佢快啲好番，唔通人哋病咗都要人推病床同吊住鹽水出嚟咩！」至於江若琳則慨嘆：「次次都唔齊人，係有啲可惜嘅，不過順便當係宣傳啦！」
另一邊廂，馬德鐘夫婦前晚出席仁愛堂活動，並與傳不和的樂易玲合照，馬德鐘表示沒有尷尬，至於跟無綫的合約仍在斟洽中，問到太太炮轟無綫後合約待遇是否更好？他說：「優惠仲未傾到，加人工？應該要，愈多愈好！」
子珊（左起）、天華及江若琳四出宣傳新劇。
天華玩遊戲時相當投入，氣氛熱烈！
江若琳露出少少腰肢，若隱若現更迷人。