林峯搵霜霜「未係時候」
林峯前晚返將軍澳電視城為新劇開工，對於有指潘霜霜有更多「好玩的相」尚未公開，林峯說：「冇回應，大家都專心番自己工作，記者都唔好再嚟搵我！（聯絡霜霜？）冇，未係時候。（潘爸爸向你訓話？）唔想牽涉咁多人。（你爸爸唔鍾意霜霜？）唔回應！」
而陳嘉桓（Rose）前晚與所屬經理人公司老闆冼國林出席曾志偉生日宴，冼國林說：「無聊緋聞！（唔畀Rose再拍MV？）咁又唔會。（開戲避用林峯？）唔會抹殺同林峯合作嘅可能。（如劇情需要會否用霜霜？）我哋公司比較傳統，開嘅戲應該冇角色啱佢。」Rose則說：「公司已經就呢件事（被指第三者）發咗聲明，希望傳聞到此為止。」
林峯及陳嘉桓分別希望霜峯事件盡快畫上句號。
