志偉生日錫身唔敢醉
曾志偉前晚舉行生日宴，獲一班好友到場祝賀，成龍、吳君如和陳可辛、佘詩曼等到賀，志偉未有像往年般醉倒，十分清醒。而久未露面的崔建邦明顯發福。
獎門人曾志偉前晚於尖沙咀有份投資的「板獎自家火鍋」設生日宴，成龍、表哥馬時亨、佘詩曼、崔建邦、吳君如和陳可辛，王祖藍及李亞男等均到賀。
:禮物折現行善
志偉呼籲將禮物折現捐給福幼基金，大部分賓客送酒作生日禮物。得到各方好友祝賀的志偉說：「本來想唔搞（生日宴），班朋友話唔得，嚟到都各有各玩。我叫佢哋盡情飲，搵人送佢哋返去！」志偉今年十分錫身，久久未有飲醉，他自嘲說：「咁我盡快飲醉啦！」
兒子曾國祥透露父親比以前少飲酒，自己未有送禮物，希望父親多休息。而崔建邦明顯發福，問到可有安排工作？他說：「暫時未有，休息吓先！趁機進修韓語。（夠錢使？）換個生活方式啫！還可以。（拍拖？）冇。（唔敢？）應該問仲有冇人夠膽同我拍拖，呢兩年發生咗好多事。」而劉美君昨日接受電台訪問時，點了一首自己翻唱的《認錯》給志偉：「前一晚志偉約我飲嘢，但我做緊嘢，好惡鬧佢，今朝先知佢生日！好內疚！」
獎門人生日，阿佘專誠道賀。
成龍、吳君如及丈夫陳可辛均為志偉祝壽。
志偉被Paco、金剛等好友簇擁，老友鬼鬼。
久未露面的崔建邦出席志偉的生日宴時，明顯發福。
王祖藍及李亞男拍住拖為志偉慶祝生日。