莊思敏藐爆走光藍燕
泳兒、莊思敏及廖碧兒等前晚出席活動，身穿Tube Dress的莊思敏小心翼翼，受訪時更把咕o臣放在大髀上：「走光好核突！（失手？）行騷經常發生，好彩每次都執到生！（畀男友吳浩康鬧？）佢出於關心，唔會鬧！」對於有女藝人刻意走光博見報，她說：「見過露得好奇怪，根本個動作唔會走光！（藍燕露毛？）呢啲咪叫專登囉！佢拍得呢套戲就豁出去！」曾與林峯拍MV的她笑言，當年雙方沒有合照：「蝕咗！」
至於同場的泳兒自爆，入行時因衣着問題遭公司抨擊：「當年媽咪幫我襯衫，點知公司叫我唔好再着媽咪啲衫！（向容祖兒偷師？）佢好型同靚，每次都悉心打扮，佢會畀意見我！」她坦言入行後出街會戴口罩遮面：「因為唔會成日化妝，所以袋入面有好多口罩！」
廖碧兒心廣體胖，看來要Keep Fit了！
泳兒自爆入行初期衣着麻麻，公司曾有微言。
莊思敏擺明不屑藍燕行徑，明寸她已豁出去。