Rosemary自揭案情澄清冇吸毒

去年在美國涉藏毒及撞車後不顧而去的模特兒Rosemary，案件已在上月審結，昨日她在好友陪同下交代案情，澄清沒有吸毒正視聽，希望在模界收復失地！

模特兒Rosemary去年在美國涉藏毒及撞車後不顧而去被捕，最後撞車案被改控不小心駕駛罪，涉藏毒案則改控阻礙警員，兩項皆罰款了事。昨日她在灣仔舉行答問大會，首次開腔講述案情，母親Julie、好友鄧達智、黎曉靈、Cara G.及陳沛嘉等為她打氣。

Rosemary全程以英語發言，由黎曉靈翻譯，問到是否不再接觸毒品，Rosemary表示沒有人是完美，但熟知她的人都知道她很健康：「好多人唔了解、唔清楚我呢個案件嘅案情，我咩都冇做過，同埋清白！」她澄清當日是替女友人出頭而惹禍：「當時我同男友正要離開派對，見到女友人被一名陌生男子盤問，我哋就上前幫手，個陌生男子問我哋盒嘢係邊個，我為免麻煩就答係我，我根本冇藏毒！我從來冇承認吸毒，警方亦冇證據證明我吸毒。」她感激朋友支持，並剖白心聲：「件案已經完結，係一種解脫，冇晒負擔，過咗嘅嘢係一種經歷，我依家生活好Graceful（美好）。（唔再去美國？）我唔會驚！」她還透露正修讀營養學，並有意向內地模特兒界發展。

Julie媽開心

鄧達智則表示，應客戶要求才舉行答問大會：「Rosemary有好多工作因為件案而Kick住，好多客想佢澄清呢件事，好似3月有個由我搞嘅內地時裝騷，本來都想叫佢，但個客話唔得。」而陳沛嘉則說：「我嚟係Celebrate（慶祝）佢踏入人生新一頁，佢一直都好健康。」

至於Rosemary母親Julie在活動尾聲才到場，她透露信主後變得平安及喜樂：「我同Rosemary嘅關係唔再係Manager，甚至唔係母女，而係朋友，佢仲主動搬返嚟同我住，關係好好。發生美國嗰件事後，我反而覺得好開心，覺得佢長大咗。」至於離婚官司，她表示已交託神，並會為前夫祈禱。